Unique, ანუ როგორ ‘დამევასა’ პირველად კლუბი

საინტერესო იცით რა არის? არ მიყვარს ქლაბინგი საერთოდ.. ეგეთი ტიპი ვარ.. დიჯეის მუსიკას ვერ ვუმუღამებ.. ცოცხალი მირჩევნია ბევრად..

ჰოდა საერთოდ არანაირი მოლოდინი არ მქონია კლუბ Unique-ში რომ წავედი.. მეგონა ერთ მორიგ ბოოოოოოორინგ საღამოს გავატარებდი, რომელზეც ვერც გავერთობოდი და არც მაინცდამაინც დავლევდი.. (ასე ხდებოდა მანამდე კლუბებში)

მაააგრამ..

Club Unique – Isn’t this beautiful? : )

პირველ რიგში რაც მომეწონა – ვიზუალი.. ექსტერიერიც და ინტერიერიც იდეალურად გამოიყურება.. გარედანვე იგრძნობა, რომ ეს მორიგი უბრალო კლუბი არ არის.. 

მეორე სართულზე საკმაოდ სოლიდური რესტორანია. კერძები, მართალია, არ გამისინჯავს, მაგრამ სურვილი კი ნამდვილად გამიჩნდა..

თუმცა ყველაზე მეტად ჩემი ყურადღება მაინც არა რესტორანმა, ან თავად კლუბის Dance Floor-მა, არამედ იმ ვერანდამ მიიპყრო, რომელიც ამ ეტაპზე მზადების პროცესშია და წლევანდელი ზაფხულის სეზონზე, დარწმუნებული ვარ, ყოველ საღამოს გადაჭედილი იქნება.

ლამაზია.. მართლა : )

ხედიც იდეალურია და სიტუაციაც.. ამაში მალე თავად დარწმუნდებით..

მოკლედ, Unique-ში ამ პარასკევს DJ IKOST, Salio & MC Samori Balde-მ იღვაწეს.

კლუბში შევედი, ბართან დავჯექი და ლუდი შევუკვეთე.. ნელ-ნელა ვაკვირდებოდი, თუ როგორ ივსებოდა ხალხით ყველა მაგიდა.

ყველა სვამდა, ერთობოდა, გახსნილად ურთიერთობდნენ ერთმანეთთან.

მაშინვე გავიფიქრე, აქ როგორც ჩანს დაცვის კარგი სისტემა აქვთ, არცერთი ‘გამჩმახებელი’ არ შემოუშვიათ-მეთქი..

Bar

როგორც ამბობენ, კარგი კლუბი კარგი ბარმენის გარეშე ისეთივეა, როგორც კარგი მთქმელი კარგი გამგონის გარეშეო.. 

ანუ გინდა ყოფილა გინდა არა..

Unique კი ამ მხრივ გამორჩეულია. ბარში ნამდვილი პროფესიონალები მუშაობენ და თავის საქმეს თავს იდეალურად ართმევენ.

ჰო, მუსიკაზე გიყვებოდით. სამორი, სალომე კორკოტაშვილი და DJ IKOST.

მსგავს ლაივს პირველად მოვუსმინე და მინდა ვთქვა, რომ სამორი ბალდეს ხმა და სტილი საკმაოდ უხდება ამ მუსიკალურ მიმდინარეობას. თან როგორც ჩანს არცთუ ისე ცოტა ხანია, რაც მუსიკით არის დაკავებული. ჰიპ ჰოპის შექმნა მარტივი არაა, მას კი გამოსდის.

კარგი მუსიკოსები სცენაზე, კარგი ადამიანები Dance Floor-ზე.. მეტი რაღა უნდა პუბლიკას. Everyone was happy : )

happy dancing people : )

ჰო მართლა, ფასებს რომ გადავხედე, არც ისეთი ძვირია, როგორც ერთი შეხედვით შეიძლება გეგონოთ.

ივენთების განრიგს კლუბის Facebook გვერდიდან შეიტყობთ.

ასე რომ, დაძაბული კვირის შემდეგ რელაქსაციისთვის იდეალური ადგილია ეს ჩვენი Unique კლუბი - ადგილი, სადაც დაისვენებ, გაერთობი, იცეკვებ, ‘პიანი ბაზრით’ ტვინს არ გაგიბურღავენ და მუსიკაც გემოვნებიანი იქნება : )

ღია წერილი დაზარალებულ სტუდენტს, ზვიად მამფორიას

Reblogged from Praporshchik's Blog:

უნდა უჩივლო, აუცილებლად! პატივისცემით, Revaz.

ცხვრისტყავა მგელი, ანუ რატომ არის თვითმმართველობის ფოტო Fake :)

ძალიან ცდილობენ საკუთარი თავის ‘გაპრავებას’, მაგრამ ამასაც ხომ ცოდნა უნდა : )
მოგეხსენებათ, რომ დღეს, 14 მარტს, უნივერსიტეტის მე-3 კორპუსის მიმდებარე ტერიტორიაზე (ადგილმდებარეობის შესახებ დეტალურ ინფორმაციას არ ვფლობ) ინციდენტი მოხდა და 2 ადამიანი, მათი თქმით, თვითმმართველობის წევრებმა სცემეს. 

ამის შემდეგ თვითმმართველობის Facebook გვერდზე ასეთი ინფორმაცია გამოქვეყნდა:

დღეს საღამოს 10:30 წუთზე, ტელეკომპანია კავკასიის ეთერში გადაცემა ცხელი ხაზის სტუმარი არის სტუდენტური თვითმმართველობის პრეზიდენტი დაჩი გუბაძე…

პროვოკატორმა სტუდენტებმა, რომლებიც უკვე დიდი ხანია ცდილობენ თვითმმართველობა წარმოაჩინონ როგორც მოძალადე ორგანო, რომელიც ეწევა სტუდენტების თავისუფალი აზრის გამოხატულების უფლების შებღალვას დაგეგმეს კიდევ ერთი პროვოკაცია სტუდენტური თვითმმართველობის წინააღმდეგ სწორედ დღეს, გადაცემამდე რამდენიმე საათით ადრე…

წარმოგიდგენთ მათი პროვოკაციის დაგეგმვის დამადასტურებელ საუბრის ჩანაწერს…

აღნიშნული საუბარი მოგვაწოდა მეორე კურსელმა იურისტმა, რომელიც იცნობს ილია ბაბუხადიას და აქვს მისი password-ი… 

აი ფოტო:

ჩემი ანალიტიკური აზროვნების უნარი და სოციალურ ქსელებში გათვითცნობიერებულობა მაძლევს საშუალებას ვამტკიცო, რომ:
THIS IS BULLSHIT.

დიახ, ეს ფოტო Fake-ა. მაშ ასე:

1. თუ ეს ყველაფერი სიმართლეა და ილო ბაბუხადიას პაროლის საშუალებით მივიღეთ წვდომა ამ დიალოგზე, ზემოთ, ანუ იმ ადგილას, სადაც მესიჯის ადრესატი წერია, უნდა ეწეროს იმ პიროვნების სახელი და გვარი, რომელსაც ილო ბაბუხადია ესაუბრებოდა.. ამ შემთხვევაში კი წარწერიდან შემდეგი სიმბოლოები იმზირებიან: Ilo Babukhadia.
ანუ ვიღებთ, რომ ილო ბაბუხადია ესაუბრება თავის თავს და საიდანღაც ამ დიალოგში ვინმე თორნიკე უსტარაშვილი შემოდის : )

Facebook არ გაძლევს ასეთ საშუალებას. მაინცდამაინც ადმინისტრაციაში გადარეკვაა საჭირო ამ მარტივი ჭეშმარიტების დასადგენად? : )

2. რამდენ თქვენგანს გამოუყენებია კითხვით-ძახილის ნიშანი მეგობართან საუბრისას? რამდენი თქვენგანი წერს მეგობარს ყოველგვარი თაიფოს (შეცდომის) გარეშე? გულწრფელად მითხარით : )

3. ყველაზე მთავარი არგუმენტი ჩემთვის – დააკვირდით ილო ბაბუხადიას მე-3 მესიჯს, უფრო სწორად მის თავზე არსებულ ხაზს. 

ამჩნევთ გადაცდენას? ახლა შედით თქვენს conversation-ებში და ნახეთ, რომ ასეთი რამ შეუძლებელია Facebook ძრავაზე : ) შესაბამისად, უნიჭოდაა ნაფოტოშოპარი (შე კაი ადამიანო, იტყუები იტყუები, ნორმალურად მაინც მოგვატყუე).

4. ოთხი წერტილი ორივე ადამიანის ხელწერაა?

5. როგორც ამ ფოტოს კომენტარებში ბაბუხადიას ნაცნობებმა აღნიშნეს, მისი Facebook ინგლისურ ენაზეა : )

5 მიზეზი მე ჩამოვაყალიბე, მეტ-ნაკლებად სერიოზული. ყველაზე მეტად პირველი და მესამეა რეალური. ახლა თქვენი ჯერია.

თუკი შეამჩნევთ ისეთ რამეს, რაც მე ვერ შევამჩნიე, მომაწოდეთ და პოსტს აუცილებლად დავუმატებ.

კიდევ ერთ რამეს გთხოვთ, შეძლებისდაგვარად ბევრ ადამიანს ანახეთ ეს პოსტი, რათა დღეს, როცა დაჩი გუბაძე კავკასიის პირდაპირ ეთერში იქნება, მას სარწმუნო არგუმენტები დახვდეს და არა მხოლოდ პიტალო სიტყვები. შესაბამისად, ამ ფოტოს ‘თვითმმართველები’ კომპრომატად ვერ გამოიყენებენ მისი აშკარა სიყალბის გამო!

ამ ეტაპზე გემშვიდობებით, მაგრამ განვაგრძობ ხოლმე ამ ამბებზე წერას.

მე მიყვარს უნივერსიტეტი ისევე, როგორც თქვენ!

მე არ მინდა ისწავლოთ ისეთ უნივერსიტეტში, როგორშიც ვისწავლე მე!

მინდა სტუდენტები მართავდნენ და არა მატყუარები! : )

P.S. ყველაზე მთავარი დამავიწყდა – ამ არგუმენტების წარდგენის შესახებ თვითმმართველობის Facebook გვერდმა დამბლოკა, დასკვნები თავად გამოიტანეთ!.

საინტერესო შეხვედრა მთავრობის სხდომათა დარბაზში..

ოჰოოო რამდენი ხანია არაფერი დამიწერია : )

საინტერესო იყო დღევანდელი შეხვედრა მართლა. კარგია, როცა ქვეყნის ერთ-ერთი ‘დისიჟენმეიქერი’ პირისპირ გელაპარაკება და მასთან ნებისმიერ თემაზე შეგიძლია ისაუბრო, თანაც საკმაოდ კონსტრუქციულად. იყო კრიტიკა, აგრეთვე ცოტათი უხერხული შეკითხვები და მომენტები, როდესაც ნიკა გილაური ცოტათი ჩიხში შედიოდა : )

მადლობა მანქის

მომეწონა:

• რომ პირდაპირ მთავრობის WiFi-თი ვისარგებლე (სხვათა შორის, საკმაოდ სწრაფი იყო). 

2011 წელი ჩემთან :) მადლობა WP-ს დეტალური ანალიზისთვის!

The WordPress.com stats helper monkeys prepared a 2011 annual report for this blog.

Here’s an excerpt:

The concert hall at the Syndey Opera House holds 2,700 people. This blog was viewed about 19,000 times in 2011. If it were a concert at Sydney Opera House, it would take about 7 sold-out performances for that many people to see it.

Click here to see the complete report.

გათიშეთ შუქი, აუწიეთ საუნდ სისტემას.. მატარებელი მოდის!

ყოველგვარი კომენტარის გარეშე გთავაზობთ ჰიუ მასაკალას კომპოზიციას – Stimela

ჯაზ-ფესტივალის დასკვნითი კონცერტები – ლარი კორიელი და ერიკა ბადუ!

29 ოქტომბერს ივენთ ჰოლში იმ მოლოდინით მივედი, რომ ძალიან კარგ ბენდს მოვუსმენდი. ლარი კორიელი – ადამიანი, რომელიც არაერთ ცნობილ ჯაზ თუ ბლუზ მუსიკოსთან თანამშრომლობდა, ამჯერად ტრიოს შემადგენლობით წარსდგა ქართველი მსმენელის წინაშე. კონცერტი წმინდა ჯაზ-კომპოზიციებით დაიწყო, რომელთაც მსმენელის სრულიად გულწრფელი ემოციები მოჰყვა. ტაში და ოვაცია მუსიკოსებს არ აკლდათ.

Larry - photo by levan giorgadze

აღსანიშნავია, რომ ბენდის თითოეული წევრი ბრწყინვალე ინდივიდუალისტი იყო. ცხოვრებაში პირველად მოვისმინე ბლუზ სოლო-პარტია კონტრაბასზე, ლარი გრეის შესრულებით. დრამერმა პოლ ვერტიკომ კი ნამდვილი ცეცხლი დაანთო დასარტყამი ინსტუმენტებით.

რაც შეეხება თავად დღის ვარსკვლავს – ლარი კორიელს – მისი პარტიები გიტარაზე გამოზომილი, ზუსტი და ძალიან ეფექტური იყო. მან ქართველი მსმენელი შეაქო და თქვა, რომ გაუგია, თუ როგორ უყვართ თბილისში თელონიოს მონკი. მონკი მეც ძალიან მიყვარს, ამიტომაც ორმაგი ემოციით მოვუსმინე კორიელის ტრიოს მიერ შესრულებულ Trinkle Tinkle-ს.

გიტარისტმა ჩემი გემოვნების ყველა ნიუანსი დააკმაყოფილა. შესრულდა როგორც ჯაზი, ასევე ბლუზ კომპოზიციები. იყო კლასიკური მუსიკის ელემენტებიც. ლარი ნამდვილად იდგა მოწოდების სიმაღლეზე და მას ტოლს არც ბენდის წევრები უდებდნენ.

საბოლოოდ, ბისზე მან რეი ჩარლზის უკვდავი კომპოზიცია, Georgia შეასრულა. დრამერმა კი სოლო პარტიების კიდევ რამდენიმე მომაკვდინებელი ინექციაც გაგვიკეთა. შედეგი – ფეხზე დამდგარი მაყურებელი, რომელსაც არასდროს დაავიწყდება კორიელის ტრიო : )

ეს კონცერტი ჩემთვის საუკეთესო იყო, რადგან ინსტრუმენტალური მუსიკის დიდი მოყვარული ვარ. რაც შეეხება ვოკალს, ამ მხრივ ერიკა ბადუ იყო შეუდარებელი. 30-ში მანაც არანაკლები სიამოვნება მიანიჭა ქართველ მსმენელს.

მის რეგალიებზე უკვე გესაუბრეთ, თუმცა კიდევ ერთხელ – ოთხი გრემი.. ეს უკვე ძააალიან ბევრ რამეზე მეტყველებს. ერიკამაც არ გაგვიცრუა იმედი და მშვენიერი შოუ მოაწყო საკონცერტო დარბაზის სცენაზე. დახვეწილი გემოვნება, ჩაცმულობა, იდეალური ვოკალი და ბექ–ვოკალი, რომელსაც ნებისმიერი მომღერალი ინატრებდა.

Erykah Badu

ბევრმა აღნიშნა კონცერტის შემდეგ, რომ ეს ნამდვილი მასტერ კლასი იყო, თუ როგორ უნდა იმღეროს და ეჭიროს თავი სცენაზე ნამდვილ ვარსკვლავს. ძნელია არ დაეთანხმო მათ.

ერიკას მანერებში, სიმღერაში და საერთოდ ყველაფერში რაც სცენაზე ხდებოდა, მხოლოდ ერთი სიტყვა იკითხებოდა: პროფესიონალიზმი!

ნამდვილი პროფესიონალები კი ყოველთვის მცირედით მაინც ეცნობიან იმ ქვეყნის ისტორიას და კულტურას, რომელშიც უწევთ ჩასვლა. ბადუმ სწორად შეარჩია ის თემები, რაც ქართველ მსმენელს ყველაზე მეტად მოხვდებოდა გულზე: თავისუფლება, ბრძოლა აგრესიისა და ოკუპაციის წინააღმდეგ.. მსმენელსაც მეტი რაღა უნდოდა : )

მოკლედ, კონცერტიდან ყველა სუპერ კმაყოფილი წავიდა. იყო დიდი ოვაცია და ემოცია. საერთო ჯამში წლევანდელმა ფესტივალმა საკმაოდ კარგად ჩაიარა და კიდევ ერთი ძალიან კარგი მოგონება დამიტოვა, რომელიც აუცილებლად გამყვება მომავალ ჯაზ–ფესტივალებამდე.. ძაალიან დიდი მადლობა მინდა გადავუხადო ორგანიზატორებს და იმედს ვიტოვებ, ჯაზის ასეთი ზეიმები კიდევ არაერთხელ გაიმართება თბილისსა და არა მხოლოდ თბილისში : )