ფიცვერცხლი

რამდენიმედღიანი დუმილის შემდეგ ისევ დაგიბრუნდით.. როგორც აღმოჩნდა, არცთუ ცოტა ადამიანს უნახავს ჩემი ბლოგი, რამაც ძალიან გამახარა..

დღეს კი მინდა იმაზე გიამბოთ, რითიც ბოლო დროა მეგობრებთან ერთად ვარ დაკავებული.. ეს არის მუსიკა, კონკრეტულად კი – ეთნომუსიკა..

ფოლკ-ჯგუფი 'ფიცვერცხლი'

ფოლკ-ჯგუფის გაკეთების იდეა ისეთივე სპონტანური და მოულოდნელი იყო, როგორც ახალი მეგობრების გაცნობა 2007 წელს, ‘არტ-გენის’ ფესტივალზე.. ეს ფესტივალი ჩვენთვის იმდენს ნიშნავს, ცალკე პოსტი რომ დავწერო, რამდენიმე საათი მოვუნდები ალბათ.. ასე რომ ‘არტ-გენზე’ აღარ შევჩერდები და პირდაპირ ჩვენზე გიამბობთ..

ზემოთხსენებულ ‘ახალ მეგობრებთან’ ურთიერთობა ფესტივალის შემდეგაც გაგრძელდა, რამაც გაახშირა შემდეგი სახის სიტუაციები:

- უნიში ხარ?
- კი, რა იყო?
- 3-ზე გამოგივლი, გივის* გავუაროთ და მოვსხდეთ სადმე..

* გივი = თამთა (ერთადერთი გოგო ჩვენს ჯგუფში)

კვირაში რამდენიმეჯერ ხდებოდა ასეთი ამბავი, ვიკრიბებოდით, სადმე მყუდროდ დავსხდებოდით, ვმღეროდით, ვუკრავდით და ათას სისულელეზე ვსაუბრობდით ხოლმე..

ზოგადად, მეგობრობა კარგი რამეა, საერთო ინტერესის გარშემო დამეგობრება კი – უკეთესი.. მოკლედ, 2008 წლის შემოდგომამდე ჩვენს მუსიკალურ ‘ერთობას’ მხოლოდ ‘გართობა’ ერქვა.. თუმცა რაღაც დროის შემდეგ აღმოჩნდა, რომ ის, რითიც აქამდე მხოლოდ ჩვენ ვიღებდით სიამოვნებას, სხვებსაც მოსწონდათ : )

სწორედ 2008-ის ნოემბერში გაჩნდა პირველი იდეა, რომ მეტი პასუხისმგებლობით გაგვეკეთებინა ის, რასაც აქამდე გართობას ვეძახდით.. საბოლოოდ ჩამოვყალიბდით, სახელიც შევირჩიეთ და ასე მოევლინა ქვეყანას ფოლკ-ჯგუფი ‘ფიცვერცხლი’ (შეგნებულად არ ვხმარობთ სიტყვა ‘ანსამბლს’, რადგან არ ვართ ფოლკლორული ანსამბლი).

თავიდან მხოლოდ ოთხმა დავიწყეთ: თამთა, რატი, გიორგი და მე..

პირველი 'ფიცვერცხლი' : )

პირველად იყო გოდერძი ჩოხელის საღამო, შემდეგ კლუბი ‘ethno 99,99%’, სადაც კონცერტებს კვირაში რამდენიმეჯერ ვმართავდით.. აქვე გაჩნდა ძველი ფოლკლორული სიმღერებისა და მელოდიების ახლებურად ინტერპრეტირების იდეაც.. თანამედროვე ინსტრუმენტების დამატების შედეგად გავბევრდით, ნიკა, გიო და ჯანო შემოვიერთეთ და დღეს შვიდნი ვართ  : )

აწმყო : )

წელიწად-ნახევარია რაც ვარსებობთ, რამდენიმე ათეული კომპოზიცია გვაქვს, როგორ ფოლკლორული, ასევე თანამედროვე სტილის : ) აი ერთ-ერთი მათგანი.. ცოტა Reggae-ს ელემენტები დავამატეთ:

ჰო, მართლა.. გსმენიათ ალბათ რუსთავი 2-ის პროექტ ‘ნიჭიერის’ შესახებ.. ნახევარფინალში ვართ, ცნობისთვის : D

ფესტივალ 'Art-Gene 2009'-ზე

ეს კი პირველი ტურის ვიდეო : )

უკვე პიარზე გადავედი და ბარემ ნახევარფინალის sms ნომერსაც გეტყვით: 9124 ან 91245 (5 ზარი ერთად)  მოკლედ, თუ მოგეწონათ ის, რაზეც გესაუბრეთ და რაც იხილეთ, დაგვიმესიჯეთ.. გაგვიხარდება ; )

მადლობა წინასწარ : )